相機，相信冇人會唔識用，佢嘅功能大同小異，大致上分為儍瓜機，單鏡反光機及其他專業高階相機。係一種易學難精嘅攝影活動！

以前嘅相機，由菲林相機時代開始，從事媒體廣告創作嘅朋友接觸最多，當然偶意會聽到家中其中一位成員或中學時代朋友聚會時興高彩烈地說不如到某某地方拍個沙龍照吧！

時代嘅進步，科技日新月異，令相機應用層面更為廣泛。

近年，生小孩熱潮不斷上升，新手父母學習利用單反相機為自己兒女拍攝更加係指定動作！

說真的，可能係自己幕前工作關係，工作以外,對拍照往往表現得極不自然及抗拒，導致以前嘅我從不愛拿起相機拍照。

出世一個月

但係奇妙嘅事情由我女兒出世那天開始完全改變了。當知道女兒快將成為胡氏一家一份子既時候，當時心想孩子成長嘅過程轉眼便過。與其讓每次家庭聚會或小朋友派對時歡樂時光快快地溜走，倒不如自己先替女兒拍照，捕捉女兒一瞬間天真無邪既笑臉，記錄每一處成長過程點滴，於是最後決定購買一部單反機作為攝影工具，與此同時，為了增加攝影技巧，曾經參加一些單反機拍攝教學進修班。希望得到較佳效果！當然技術有待進步！

享受湊女的日子 (2個月)

可以同大家分享一個我嘅小習慣，每隔一段時候，我喜愛跟女兒一起欣賞我們一家拍照嘅相片。

當中包括：女兒出世既情景，第一年女兒開既生日派對以及第一次女兒既課外活動…等，另外當然包括一些在家中隋心所欲時拍照既畫面！

5個月的紅蘋果

每看一次便發覺時間實在過得太快，腦海中再次重現當時溫馨埸面，照片能夠凝住愛既一刻，一個笑容，一個鬼臉，一個淘氣既樣子，令人回味無窮，百看不厭。更重要是讓她知道爸爸媽媽疼愛自己沒有單從物質上麻木提供，每一張相片代表住一個環境,時間,節日既出現，一份從心靈出發既陪伴，讓她感受到爸爸媽媽是如何愛護她！

轉眼間女兒快接近三歲！小芷苓放心吧！爸爸應承妳，即使活到一百歲，只要爸爸仍有氣力，爸爸仍會繼續利用攝影表達出對妳無盡既愛。 

享受

+ 0