剛好趕得及秋風起合時節,係時候食大閘蟹,今年的大閘蟹正直當造,千禧新世界香港酒店桃里中菜總廚蘇師傅精挑細選,肥美甘香江蘇靚蟹打造特式蟹宴。
江 蘇 大 閘 蟹 兩 食 (每 隻 六 両) HK$438 (野 菌 蟹 粉 帶 子 焗 釀 蟹 蓋 及 清 蒸 大 閘 蟹 身)
我最愛原味清蒸,大啖黃膏咬入口,嘴角回甘(6兩每隻$368)已精彩之極。想多點花臣,嚐那潮式做法,蟹粉燕液帶子石榴粿蛋白皮包著甘香蟹粉、新鮮帶子、白菌,配以矜貴燕窩及蟹黃;再豐富一些,還有蟹粉窩粑百花蝦球,窩粑配蝦膠兼成隻大大件海蝦,香噴噴,脆扑扑,味蕾已滿足到頂端。
蟹 粉 燕 液 帶 子 石 榴 粿 (2 件) HK$158 蟹 粉 窩 粑 百 花 蝦 球 (2 件) HK$148
來個原籠蟹粉大閘蟹糯米飯守尾門;蘇師傅用煙韌的糯米飯與瑤柱、北菇及蝦米同蒸後香氣撲鼻,伴以甘香濃厚的蟹粉醬汁,濃濃的蟹漿鋪滿蒸籠,真係啖啖蟹香好食到無話可說。
原 籠 蟹 粉 大 閘 蟹 糯 米 飯 HK$368
公關姐姐好體貼,開首先來一客清潤湯水(北菇菜膽燉花膠),最後以蛋白杏仁茶湯圓劃下完美句號,那天捧著肚大歎十分滿足啊!
其他滋味菜式尚有紅燒大閘蟹粉燕窩、蟹粉雪蛤海皇豆腐羹、江蘇大閘蟹二食(野菌蟹粉帶子焗釀蟹蓋及清蒸大閘蟹身)、蟹粉水晶豆腐、大閘蟹粉小籠包及生滾蟹粉大閘蟹粥等,款款都鮮味十足,無一不令人再三回味。
「時令大閘蟹菜譜」於桃里全日供應。如需垂詢或預訂,請致電2313 4225或瀏覽酒店網頁newworldmillenniumhotel.com。
+ 0
|