「我同天明性格好夾，好喜歡朋友多既感覺，好重視友情，為人為到底，我地兩個唔係為玩而玩，而係為見證朋情這東西。」從前一般人認為Janet爛玩，她自己則覺得沒所謂：「我倆在有BB之後，傳媒待我地好好，落筆時多寫正面事，據講，大眾愛睇明星結婚生仔既消息，或許因為這原因，大家寫我都用正面的手法罷。」
老實說，跟一個國際知名的洪金寶大哥兒子拍拖，直至結婚會否很有壓力呢？周家蔚似乎一貫開朗的看此事：「從小到大，我都係在無壓力下成長，反而，自己會對自己有一定的要求，朋友方面，佢地唔開心，我就會用正面既手法去安慰佢地。特別係認識大哥一家人之後，覺得相處得好舒服。仲記得當年係拍完張家界，返到香港錄音，天明知我鍾意食辣，就專登買了樽好好味既辣椒醬比我食，好體貼呢！之後就約我去街，雖然佢有脾氣，哈哈！但我比他還要利害啊！」
通常聞說女性陀B的時候，荷爾蒙分泌會令大肚婆的情緒高低起伏，那作為老公的洪天明時常要返國內拍劇，周家蔚又會如何解決低落的時候？原來Janet真係曾經稔過：「我咁大犧牲，為左佢有咁大既轉變，周邊的朋友亦會不時灌輸唔正確的觀念給我，會小小事都覺得自己無錯，錯既係佢。其實，懷孕應該係兩公婆都有份既事，應該一齊分擔。我有左BB之後，情緒好高漲，一係笑到透唔到氣，一係喊到收唔到聲，有時，會嬲佢打遊戲機唔理我，而家，我放棄了！要調節情緒，互相遷就，天明而家會不時讚我靚，氹我開心，講真，大肚婆唔係大晒！發脾氣會影響BB，我唔會再為小事而動氣了！」看來，有了BB的Janet真的大個女了！
周家蔚身邊許多女性友人都正值大肚，又或者已經育有BB了，她笑言，每人都有自己的一套育兒理論，因為每人都有不同的背景，最重要的都是要跟BB有connection，有聯繫，她笑談有位好朋友，一直堅持幫兒子沖涼，直到兩歲，和兒子的關係很親密，不會像那些由細到大都是工人姐姐湊的小孩子，對媽媽反而很疏離。
時下星媽的子女都在大眾傳媒之下備受注目，不知周家蔚心裡有否預備好，Janet則好像一副大安主義，其實她心裡卻另有一套：「一日未開始上學，都應該take it easy，但當佢懂性，可能會覺得自己與眾不同，我先要教識他怎樣去處理，我地一家人都是在演藝行業，這是不能否定的事實，小朋友會先試在本地小學讀書，到真的不能適應才會轉國際學校，不過，國際學校學習方式始終太寬鬆，人會懶散。最近和蔡一智傾小朋友讀書，他都認為小孩子應該到自己懂得照顧自己才出國讀書，那做爸媽的，就無需要太緊張了！」
跟Janet談及香港的怪獸家長，她也很抗拒：「小朋友在local school讀得唔好，起碼學校會訓練他有規矩，先苦後甜會，壓力會冇咁大，我從來冇想過或要求佢讀名校，中等正派一點的就可以了，大前題係要佢開心，我唔會因為要同其他人比較而要去迫個仔，因為以前，我媽媽都冇迫過我，個學位都係靠自己讀番黎！」反而，Janet會向朋友取經，先找好的playgroup之類的學前教育，也準備自己買教材在家教仔。原來她已開始每天寫下對兒子將來的期望，提醒自己甚麼應做，甚麼不應該做，免得兒子將來會埋怨自己，想盡辦法學習怎樣跟他相處，家蔚準媽，認真用心良苦呢！生一個小孩子，並不只是金錢的問題，最重要的是，妳真正準備好了沒有？
Location : Thanks for 翠亨邨
+ 0
已懷孕八個月的周家蔚 (Janet)，計劃了在下月28日剖腹產B，時常帶著陽光的笑臉，「義」字行頭的Janet，好友結婚大大個肚仍然堅持由朝陪著老友到晚黑宴會完結才離開。Janet自有一套做人理論，老公洪天明勸阻也勸不來！她由從前好玩爽直鬼妹仔性格至如今即將做人媽咪，當中心路歷程有何轉變呢？圓圓相約了她邊喝茶邊傾偈。
